Nako ya dikgetho e fitlhile, mme kana go monate jang go kgetha, o tlhope lekoko le wena o bayang tshepo ya gago mo golona. Go kgetha go monate gonne o tsaya maikarabelo a bophelo jwa gago jwa isagwe. O reetsa le go lebelela seo wena o se ratang ka lekoko le, le rileng la sepolotiki, gore o ba utlwisisa jang? le gore mo nakong e efetileng ba diragaditse ditsolofetso tsa bone jang? Le gore o ba tshepa go le kana kang go ka di dirafatsa!
Fa o bone ba sa go kgotsofatsa ka ditsholofetso tseo ba di buileng, go mo go wena go fetola mawa (plans). O batle, gongwe o sale le lengwe morago,leo o le utlwisisang ka ditsholofetso gongwe go ipabatsa ga bone, ka tseo lo di beileng mo pepeneneng. Ka moo go monate go nna monageng e e nang le tokologo ya sepolotiki, (ya botlhe) gonne o kgetha lekoko leo obonang le go kgatlha kapa le go baa pelo. O kgona go fetola lekoko nako e ngwe le e ngwe ya dikgetho.
Fa o sae go kgetha, o tla tseelwa ditshwetso ke batho ba bangwe ka gonne bone ba tla ya go kgethela makoko a bone ba a utlwisisang mme a feleletse (makoko) a busa Naga goya go ile. Kamoso o tsoge o ngongorega o sa fetse, gongwe o tlhotlheletsa batho babangwe go tsaya megwanto ee senang tlhaloganyo gongwe ee sa rulaganang. Kamoo tsaya maikarabelo, o ye go kgetha, Ka go le maleba go dira jalo. Tota ke tshwanelo ya moagi yo mongwe le yo mongwe wa naga go ikgethela lekoko leo a le ratang.
Mokwadi L.M. Monare Soweto Sunrise News
